საარჩევნო ადმინისტრაციამ არჩევნებში ელექტრონული ტექნოლოგიების გამოყენების შესწავლის მიზნით იმიტირებული კენჭისყრა ჩაატარა, რომელსაც საარჩევნო ადმინისტრაციის (ცესკოსა და უსკოს) ხელმძღვანელები და წარმომადგენელი პირები არჩევნებში ჩართულ მხარეებთან ერთად დააკვირდნენ. იმიტირებული კენჭისყრა ბათუმის ორ საარჩევნო უბანზე გაიმართა ამომრჩეველთა ვერიფიკაციის და დათვლის ელექტრონული საშუალებების გამოყენებით.
შეგახსენებთ, რომ 2 აპრილს ქალაქ ბათუმში, მუნიციპალიტეტის წარმომადგენლობითი ორგანოს - საკრებულოს შუალედური არჩევნები გაიმართება. ბათუმში გახსნილ 14 საარჩევნო უბანზე საპილოტე რეჟიმში დაგეგმილია ზოგიერთი საარჩევნო პროცედურის ელექტრონული საშუალებების გამოყენებით განხორციელება.
