აჭარის ავტონომიური რესპუბლიკის უმაღლესი საარჩევნო კომისიის და ახალგაზრდული უმაღლესი საბჭოს თანამშრომლობის ფარგლებში აჭარის რეგიონში მცხოვრებ სტუდენტებთან საინფორმაციო ხასიათის შეხვედრები დაიწყო.
დღეს, უსკოში სტუდენტებს საარჩევნო პროცესზე დეზინფორმაციის გავლენის შესახებ კომისიის თავმჯდომარე - პარმენ ჯალაღონია ესაუბრა.
შეხვედრის მონაწილეებს საერთაშორისო ორგანიზაციების როლის, მანდატის, საარჩევნო დაკვირვების სტანდარტებისა და ეთიკის კოდექსის შესახებ დეტალური ინფორმაცია გააცნო უსკოს ინსტიტუციური განვითარების განყოფილების უფროსმა, რუსუდან ანანიაშვილმა.
საინფორმაციო შეხვედრების ციკლი 3 დღეს გრძელდება და მოიცავს ისეთ მნიშვნელოვან თემებს, როგორიცაა: არჩევნები და დემოკრატია, საარჩევნო სისტემები, არჩევნების პრინციპები, დეზინფორმაცია, სოციალური მედიის გავლენა საარჩევნო პროცესებზე და სხვა.