აჭარის ავტონომიური რესპუბლიკის უმაღლეს საარჩევნო კომისიაში მორიგი სხდომა გაიმართა, რომელსაც პირველად უძღვებოდა კომისიის ახალარჩეული თავმჯდომარე პაატა კეშელავა.
კომისიის წევრებმა დღის წესრიგით გათვალისწინებული 11 საკითხი განიხილეს, მათ შორის უსკოს 7 დადგენილებისა და 4 განკარგულების პროექტი. აღნიშნული სამართლებრივი აქტების პროექტები მომზადდა უსკოს თავმჯდომარის ბრძანებით შექმნილი სამუშაო ჯგუფის მიერ, „აჭარის ავტონომიური რესპუბლიკის უმაღლესი საბჭოს არჩევნების შესახებ“ ახალი კანონის გარდამავალი დებულებით განსაზღვრული ვალდებულების შესრულების მიზნით, რომელიც უსკოს სამართლებრივი აქტების ახალ კანონთან შესაბამისობაში მოყვანას ითვალისწინებს.
აჭარის უმაღლეს საარჩევნო კომისიას პოლონეთის რესპუბლიკის ქვემო სილეზიის სავოევოდოს სეიმიკისა და მარშალის ოფისის წარმომადგენლები ეწვივნენ. სტუმრებს უსკოს თავმჯდომარემ, პაატა კეშელავამ, კომისიის სამართლებრივი სტატუსი, სტრუქტურა, უფლებამოსილებები და საქმიანობის ძირითადი მიმართულებები გააცნო.
