საარჩევნო ბლოკების რეგისტრაციისათვის განაცხადის შეტანის ვადა ამოიწურა

18 სექტემბერს,  18:00 საათზე,  უმაღლეს საარჩევნო კომისიაში 2020 წლის 31 ოქტომბრის აჭარის ავტონომიური რესპუბლიკის უმაღლესი საბჭოს არჩევნებისათვის საარჩევნო ბლოკების რეგისტრაციისათვის განაცხადის შეტანის ვადა ამოიწურა.
დარეგისტრირებული პარტიებიდან საარჩევნო ბლოკის რეგისტრაციისათვის უმაღლეს საარჩევნო კომისიას განცხადებით ორმა საარჩევნო სუბიექტმა მომართა: მოქალაქეთა პოლიტიკურმა გაერთიანებებმა ,,ერთიანი ნაციონალური მოძრაობა’’ და ,,საქართველოს რესპუბლიკური პარტია’’. უსკოს თავმჯდომარის განკარგულების (N30) საფუძველზე რეგისტრაციაში გატარდა საარჩევნო ბლოკი ,,ერთიანი ნაციონალური მოძრაობა - გაერთიანებული ოპოზიცია ,,ძალა ერთობაშია’’.
2020 წლის 31 ოქტომბრის აჭარის უმაღლესი საბჭოს არჩევნებში მონაწილეობას მიიღებს 24 პოლიტიკური პარტია და 1 საარჩევნო ბლოკი.
უმაღლესი საარჩევნო კომისიის მონაცემების მიხედვით, 2004 წლის აჭარის უმაღლესი საბჭოს არჩევნებში რეგისტრაციაში გატარდა 10 საარჩევნო სუბიექტი, 2008 წლისათვის - 6, 2012 წლისათვის - 7 პოლიტიკური პარტია, ხოლო 2016 წელს - 28 საარჩევნო სუბიექტი.