აჭარის ავტონომიური რესპუბლიკის უმაღლესი საარჩევნო კომისიის წარმომადგენლობის მსურველმა უმაღლეს საარჩევნო კომისიაში უნდა წარადგინოს განცხადება, რომელშიც კანდიდატმა უნდა მიუთითოს:

ა) სახელი;

ბ) გვარი;

გ) საკონტაქტო მისამართი;

დ) იმ საარჩევნო ოლქის ნომერი სადაც სურს წარმომადგენლობა;

ე) ტელეფონის ნომერი (თუ აქვს).

 განცხადებას ხელს უნდა აწერდეს კანდიდატი და მას უნდა დაერთოს:

ა) საქართველოს მოქალაქის პირადობის (რეგისტრაციის) მოწმობის ქსეროასლი;

ბ) უმაღლესი განათლების დამადასტურებელი დოკუმენტის ქსეროასლი;

გ) არჩევნებში მონაწილეობის გამოცდილების დამადასტურებელი დოკუმენტი;

დ) ფერადი ფოტოსურათი, ზომით 3X4;

ე) საარჩევნო მოხელის სერტიფიკატის ასლი.

განცხადების წარდგენა ასევე შესაძლებელია ელექტრონული წესით, უსკოს ოფიციალური ელ-ფოსტის მეშვეობით მისამართზე: info@sec.ge ან nervistanp@gmail.com

უსკოს წარმომადგენლობის მსურველი კანდიდატი უნდა იყოს საქართველოს მოქალაქე 21 წლის ასაკიდან.

ყურადღება!

კანდიდატი არ შეიძლება იყოს:

ა) „საჯარო სამსახურის შესახებ“ საქართველოს კანონით განსაზღვრული სახელმწიფოპოლიტიკური თანამდებობის პირისა;

ბ) მუნიციპალიტეტის წარმომადგენლობითი ორგანოს – საკრებულოს წევრისა;

გ) მუნიციპალიტეტის მერის და მისი მოადგილისა;

დ) მოსამართლისა;

ე) საქართველოს შინაგან საქმეთა და თავდაცვის სამინისტროების, საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების − სპეციალური პენიტენციური სამსახურის, საქართველოს სახელმწიფო უსაფრთხოებისა და დაზვერვის სამსახურებისა და სახელმწიფო დაცვის სპეციალური სამსახურის თანამშრომლებისა;

ვ) პროკურატურის თანამდებობის პირისა;

ზ) საარჩევნო სუბიექტისა და მისი წარმომადგენლისა;

თ) საარჩევნო კომისიის წევრისა;

ი) დამკვირვებელი ორგანიზაციის დამკვირვებლისა;

კ) პრესისა და მასობრივი ინფორმაციის სხვა საშუალებათა წარმომადგენლისა;

ლ) საარჩევნო სუბიექტის მიერ წარდგენილი კანდიდატისა;

მ) პარტიის წევრისა.

განაცხადების მიღება იწარმოებს 2020 წლის 26 სექტემბრიდან 29 სექტემბრის ჩათვლით, 10:00 საათიდან 18:00 საათამდე. მის: ქ. ბათუმი, გოგებაშვილის ქ N2, აჭარის ავტონომიური რესპუბლიკის უმაღლესი საარჩევნო კომისია (ადამიანური რესურსების მართვის განყოფილება).

დამატებითი ინფორმაციისთვის დაგვიკავშირდით უსკოს ცხელ ხაზზე: : 0 800 00 00 10