ამ დროისათვის დასრულდა შემაჯამებელი ოქმების ატვირთვა უსკოს ვებ გვერდზე. უკვე დათვლილია 300 საარჩევნო უბნის შედეგები აჭარის ორი მაჟორიტარული ოლქისათვის. გთავაზობთ, აჭარის უმაღლესი საბჭოს მაჟორიტარული არჩევნების მეორე ტურის წინასწარ შედეგებს ოლქების მიხედვით:

28 -ე ბათუმის მაჟორიტარული ოლქი: 120 უბანი, 34287 ხმა;
N-5 გიორგი კირთაძე - 4 115 ხმა, 12%;
N-41 ტიტე აროშიძე - 30 172 ხმა, 88%.
30-ე მაჟორიტარული ოლქი: 180 უბანი, 36 604 ხმა.
N-5 გია აბულაძე - 3956 ხმა, 10,81%;
N-41 ფრიდონ ფუტკარაძე -32 649 ხმა, 89,19%.
21 ნოემბერს საკუთარი არჩევანი დააფიქსირა უბანზე მისულმა 73 833 - მა ამომრჩეველმა, რაც ორი მაჟორიტარული ოლქის ამომრჩეველთა საერთო რაოდენობის, ანუ 243 892 -ის 30,27%-ს  წარმოადგენს.
უმაღლესი საარჩევნო კომისია საოლქო და საუბნო საარჩევნო კომისიებისგან მიღებული ოქმებისა და სასამართლოს საბოლოო გადაწყვეტილებების საფუძველზე, კენჭისყრის დღიდან არაუგვიანეს მე-19 დღისა (10 დეკემბრამდე) თავის სხდომაზე შეაჯამებს უმაღლესი საბჭოს მაჟორიტარული არჩევნების მეორე ტურს და შეადგენს არჩევნების საბოლოო შედეგების შემაჯამებელ ოქმს.